monumenta.ch > Plinius > sectio 134
Word Selection for Searching
Report an Error in this Sectio
Plinius, Naturalis Historia, 19, 134
{XL} gemina iis natura, et oleris et capite ipso exilientis bulbi, species summa in latitudine. ea contingit, ut in lactucis, cum coeperint colorem trahere inposito levi pondere. neque alii hortensiorum latitudo maior; in binos pedes aliquando se pandunt, multum et soli natura conferente, siquidem in Circeiensi agro amplissimae proveniunt.